Mawas Diri

"Nasibku kok koyo ngene ya?"
Pitakon mau wis ora aneh kanggo tumraping sifat manungso. Opo maneh yen lagi ngrasakake susah tur bareng karo ati sing runtik. Iki uga sing lagi kula lampahi, saben-saben namung nyalahke nasib. Iki jane opo sing salah karo awakku yo? Isuk, awan, sore, nganti mbengi ora tau pedhot pitakon sing wis ngerti bakal ora ono jawabane. ASTAGFIRULLAH HALADZIM....!!! yo iki sesambat ingkang saget nglonggarake sesek ing dhodho.
Sakabehing lampah sampun kulo coba, sakedhik ngelmu saking poro Kyai wonten ing pengajian ingkang cemanthel wonten ing manah inggih sampun kulo coba lakoni, sedayanipun sampun kulo cobi. Upami kulo pikir terus, soyo dangu kulo tambah ajrih...dadi MUTUNG panggalih. Duh gusti ALLAH ingkang moho Welas Asih...........
Sakedhik kangge pangetheng-entheng ing manah. Kulo kemutan ujaring poro Adi Luhung yen "Ngalam donyo kuwi kabeh mlaku nuruti opo sing kudu lumaku, sing sakabehing mau nemahi suwung"  kanthi cubluk ing pamikir, kulo cobi medhar punopo maksudipun.
Urip ing ngalam bebrayan sapuniko sadayanipun sampun wonten aturan ingkang mboten saget dipun trajang tumraping titah. Sopo nandur bakal ngundhuh... Ingkang dados panggalihan inggih puniko ilang ing kesabaran nemahi runtik ing manah. Yakin bakal wonten ganjaran punopo ingkang sampun dipun tandur, opo kuwi bibit becik utowo bibit sengkolo. Sing pungkasane urip kuwi pakal nemahi adil. Nandur 1 bakal panen 1. Upami mekaten, pungkasing urip bakal suwung inggih puniko adil ingkang sak leresipun adil.
Upami tulisan kulo niki sampun dipun waos, monggo mboten kudu dipikir. Tulisan puniko namung kangge ngluber aken punopo ingkang ngganjel ing manah. SUBHANALLAH.... ASTAGFIRULLAH.


Salam,
Wong Jowo ilang Jawane
 

BENDU opo GANJARAN

Sumilir angin wengi kang kroso adem nambahi nyenyet roso kang lagi ngrekes. Gumelaring pajangko sing ora iso diukur watese nemahi kedepe netro kang ora lerep-lerep. Tambah dowo, tambah ombo anggone medar pikiran nganti ora kroso tumekan alam sing wingit. Jalaran ngrekesing ati sing koyo rinajang, akal pikiran dadi karungkep roso bendu. Sopo sing salah seleh!? sopo sing nandur ngunduh!? sopo sing jujur makmur!? Paham...jelas..ngerti...ning lah iki kok ora koyo sak mesthine?! Opo iki jenenge JAMAN EDAN sing jare pujangga linuwih Jaman sing kewolak-walik!?
Akh....ugh............
Nanging, mengko dhisik....
Ojo gampang golek salahe liyan. Mandhek dhisik, ayo bali mring sejatining Titah ingkang linuwih. Yen dipikir sing jero, kabeh kahanan ing ngalam donyo iki SUNATULLAH kudu dadi SEBAB lan AKIBAT. Kabeh mau sejatining namung kudu mlaku opo sing wis ginaris, iku mau sing diarani adil. Adil kanggo manungso kang awujud titah lan adil tumrap alam sing dadi lambaran uripe titah.
Upami dipun lajengaken, sadayanipun namung gumantung ono ing ati lan roso rumongso titah. Kudu rumongso yen dadi TITAH. Upami sampun rumeseping manah, kantun dipun timbang BENDU opo GANJARAN.


Wasalam,
Anak sing Ilang

Panjering Lintang Rahino

Wis panjen teko titi wancine yen urip iku kudu nrimo ing pandung. Sananjan mubeng koyo kitiran, polah koyo manuk branjangan yen durung tekan mangsane ora bakal dadi opo sing di cipto. Duh Gusti.... kulo pasrah nglampahi punopo ingkang sampun ginaris, ingkang kulo suwun paringono kesabaran lan keikhlasan manah.
SUBHANALLAH, ingkang saget kulo pasrahaken
ALHAMDULILLAH, ingkang saget kulo kangge sumendhe
ALLAHUAKBAR, ingkang saget kulo sambati
LAILLAHAILALLAH, ingkang saget kulo kangge gondhelan
Wis sak untoro wektu sing lumengser, ora kroso wis mancik Tungguling hangekes manah. Kantun nunggu Panjering Lintang Rahino. Sesuk...umun-umun enggal gumregah, wis tekan titimangsane... PANJERE LINTANG RAHINO


Salam taklim,
Bocah sing Ilang
 

Kejawen Modern

"Opo sing siro goleki ning ngalam donyo iki to Le?"
Selintas pertantaan simbah sederhana tapi samapai sekarang aku belum bisa jawab, samapai-sampai simbah sudah meninggal 10 tahun yang lalu.